The Hunger Blueprint
اتعلمي تسمعي جوعك و تفهمي احتياجات جسمك خلال ٦ أسابيع 💛
عشان يكون عندك طاقة طول اليوم و تختاري أكلك بحُرية و سهولة و ثقة — من غير ورقة و لا حرمان
اتفرجي على الفيديو ده وهتفهمي ليه علاقتك بالأكل ممكن تبقى أسهل بكتير لما تفهمي جوعك 🎬👇🏻
أنا فاهمة حيرتك مع الجوع
يوم تبقي جعانة طول الوقت…
ويوم تاني ماتحسيش بأي جوع خالص.
ساعات تاكلي و تحسي إنك عايزة أكل أكتر مع إنك شبعتي…
وساعات تحسي بالخوف و الذنب لمجرد إنك جعانة.
بتحاولي “تنظمي أكلك”…
لكن تلاقي نفسك طول اليوم مشغولة بالتفكير في الأكل.
ومع الوقت…
بقيتي مش عارفة تثقي في جسمك أو إشاراته.
لو ده اللي بيحصل معاكي، يبقى فيه حقيقة مهمة لازم تعرفيها…
جسمك عمره ما خانك… ولا كان ضدك.
وجوعك مش عشوائي… ولا دليل إنك “ماعندكيش إرادة”.
المشكلة الحقيقية في:
الصورة الذهنية اللي اتزرعت جواكي عن الجوع
خلال سنين من الدايت، المنع، الحسابات، وهوس التحكم و السيطرة.
الجوع بقى مصدر تهديد بدل ما يكون مصدر حكمة و دليلك اللي تعتمدي عليه.
الثقة اللي اتكسرت بينك وبين جسمك
بقيتي تسمعي القواعد و الخوف أكتر ما تسمعي جسمك.
فبقيتي محتاجة حد أو نظام يقولك:
إمتى تاكلي… وإمتى توقفي.
توقع إن جسمك يفضل ثابت طول الوقت
يمكن اتعودتي تحكمي على نفسك لما جوعك أو شهيتك يتغيروا…
مع إن جسمك طبيعي جدًا يتأثر بالهرمونات، التوتر، النوم، الروتين، السفر، وحتى الفصول المختلفة.
ونتيجة لكل ده…
طبيعي جدًا تحسي بالحيرة، اللخبطة، وفقدان الثقة حوالين الأكل
لما تكوني مش فاهمة إيه اللي بيحصل جوا جسمك.
وعشان كده…
The Hunger Blueprint معمول علشان يساعدك ترجعي تفهمي جسمك
وتسمعي جوعك بدل ما تعيشي في حرب معاه.
علشان تقدري تبني ثقة حقيقية مع جسمك و جوعك…
The Hunger Blueprint هيمشي معاكي خطوة بخطوة خلال ٣ مراحل أساسية
المرحلة الأولى: Mindset - إعادة برمجة طريقة تفكيرك عن الجوع
في المرحلة دي، هتبدأي تتخلصي من الأفكار والمعتقدات اللي خلت الجوع مصدر خوف وقلق…
بدل ما يكون إشارة طبيعية من جسمك محتاجة تسمعيها وتفهميها.
بدل ما تشوفي الجوع كتهديد أو علامة إنك فقدتي السيطرة…
هتبدأي تبني علاقة فيها أمان وثقة أكبر مع جسمك وإشاراته.
هتتعلمي إزاي:
- تغيّري معتقدات الدايت القديمة اللي خلتك تخافي من الجوع وتشكّي في احتياجات جسمك
- تبطلي تربطي الجوع بالفشل و قلة الإرادة
- تتعاملي مع الأكل براحة أكبر ومن غير ذنب أو لوم
- تبني أساس من الثقة يمهّدلك المراحل اللي بعدها
المرحلة الثانية: Connection - إعادة التواصل مع إشارات جسمِك
لما الخوف والقلق يهدوا..
هتبدأي تسمعي جسمك بطريقة أوضح من أي وقت فات.
في المرحلة دي، هتتعلمي تفهمي إشارات الجوع من جديد.
بدل ما تفضلي محتارة:
“أنا جعانة فعلًا؟”
“ولا نفسي في الأكل؟”
“ولا ده مجرد توتر أو إرهاق؟”
هتبدأي تميّزي الإشارات دي بثقة و وضوح.
هتتعلمي إزاي:
تلاحظي إشارات الجوع قبل ما توصلي لمرحلة الجوع الشديد أو النهم
تميّزي بين مستويات الجوع المختلفة علشان تاكلي الكمية اللي جسمك محتاجها فعلًا
تفهمي احتياجات جسمك بشكل أوضح بدل ما تشككي في إحساسك
تستجيبي للجوع بثقة وهدوء بدل الخوف، التأجيل، أو التجاهل
المرحلة الثالثة: Adjustment - التعديل الذكي حسب “جوعك إنتي”
بعد ما تبني ثقة في جسمك وتفهمي إشاراته…
هتعرفي إزاي تتعاملي مع الجوع بمرونة تناسب حياتك الحقيقية.
بدل ما تحاولي تطبقي قواعد ثابتة كل يوم…
هتتعلمي إزاي تعدّلي أكلك حسب احتياجات جسمك المتغيّرة، وظروفك، وروتينك، والمواقف المختلفة اللي بتمري بيها.
الهدف هنا إن استجابتك للجوع تبقى مرنة، واقعية، وواثقة…
مش رد فعل نابع من الخوف أو اللخبطة.
هتتعلمي إزاي:
تفهمي ليه جوعك وشهيتك بيتغيّروا من يوم ليوم وتعرفي إيه اللي جسمك بيحاول يقولهولك في كل مرة
تختاري الأكل اللي يشبع احتياجات جسمك فعلًا من غير حيرة أو تفكير زائد
تفرّقي بين أنواع الجوع المختلفة وتستجيبي لكل نوع بالطريقة المناسبة ليه من غير مقاومة أو إحساس بالذنب
تتعاملي بثقة مع تغيّر الجوع والشهية أثناء الدورة الشهرية، السفر، تغيّر الفصول، واختلاف الروتين اليومي
و النتيجة..
Mindset + Connection + Adjustment =
Hunger Confidence ⭐
الـ ٣ مراحل دول مع بعض هيساعدوكي تبني ثقة حقيقية في جسمك وجوعك.
وهيساعدوكي تنتقلي من:
✨ الخوف ← للثقة
✨ اللخبطة ← للوضوح
✨ الذنب واللوم ← للراحة والحرية مع الأكل
✨ الحيرة مع الجوع ← لفهم احتياجات جسمك و التعامل معاها بمرونة
بعد ٦ أسابيع… ممكن تلاقي نفسك
✨ بتصحي الصبح وإنتي متحمسة للفطار بدل ما تبدأي يومك مضغوطة، متعصبة، أو حاسة بالحرمان.
✨ بتحسي بطاقة ونشاط أكتر خلال اليوم يخلوكي تركزي في شغلك، وتنجزي اللي وراكي، وتلعبي مع ولادك براحة و استمتاع.
✨ الأكل والجوع بقوا ياخدوا مساحة أقل من تفكيرك… فبقى عندك وقت لحاجات أهم في حياتك.
✨ بتختاري أكلك بسهولة، وثقة، ومرونة أكبر… من غير ورقة، ولا حساب سعرات، ولا قواعد صارمة.
✨ ولما شهيتك تزيد في وقت معين من الشهر، أثناء السفر، أو في الشتاء… بتفهمي إيه اللي بيحصل بدل ما تلومي نفسك أو تقلقي.
✨ بتدخلي تنامي وإنتي مرتاحة وشبعانة… من غير تأنيب ضمير أو مراجعة لكل حاجة كلتيها طول اليوم.
✨ والأهم... بتحسي براحة أكبر مع الأكل، ومع جسمك، ومع نفسك.
هل The Hunger Blueprint مناسب ليكي؟
الكورس ده ليكي لو:
✅ اختارتي تستعيدي ثقتك في جسمك وتتعلمي تسمعي جوعك بدل ما تخافي منه أو تحاولي تسيطري عليه
✅ نفسك تفهمي احتياجات جسمك وتختاري أكلك بحرية ومرونة أكبر… من غير حرمان، ولا حسابات، ولا قواعد صارمة
✅ قررتي إنك مش هتضيعي وقت أكتر من كده في أنظمة خارجية بتبعدك عن إشارات جسمك واحتياجاته الحقيقية
✅ جاهزة تستثمري في مهارة هتفضل معاكي طول العمر… وتساعدك تتعاملي مع تغيّر الجوع والشهية في مختلف مراحل حياتك
✅ مؤمنة إن علاقتك بالأكل هتأثر على علاقتك بنفسك… وعلى الرسائل اللي ولادك بيتعلموها عن الأكل والجسم والعناية بالنفس
الكورس ده مش ليكي لو:
❌ بتدوري على نظام غذائي أو خطة أكل جاهزة تمشي عليها
❌ عايزة حد يقرر مكانك إمتى تاكلي، إيه تاكلي، وإمتى توقفي
❌ هدفك إنك تتحكمي في الجوع أو تتخلصي منه بدل ما تتعلمي تفهميه وتستجيبي له
❌ مش مستعدة تراجعي معتقداتك القديمة عن الجوع والأكل وتجربي طريقة مختلفة
❌ متوقعة إن جسمك يكون ليه نفس الاحتياجات ونفس الشهية كل يوم وفي كل الظروف
أنا مين؟ و ليه ممكن أكون أنسب شخص يساعدك؟
أنا ياسمين… ويمكن أكون شبهك أكتر ما تتخيلي.
قضيت سنين ما بين الدايت، الحرمان، ومحاولات مستمرة إني “أتحكم في نفسي” عشان ماكلّش كتير.
كان بيتجدد الأمل مع كل نظام جديد…
وأرجع بعدها لنفس الدائرة:
جوع، خوف من الأكل، نهم، وتأنيب ضمير.
والمفاجأة؟
حتى بعد ما درست تغذية، لسه كنت بعاني.
كنت عارفة السعرات، والعناصر الغذائية، والقواعد…
لكن ماكنتش فاهمة جسمي.
لحد ما اتعرّفت على التغذية الحدسية.
الطريقة اللي علّمتني أسمع إشارات جسمي من جديد، وأفهم الجوع بدل ما أخاف منه، وأكسر دايرة الدايت اللي فضلت سنين بحاول أخرج منها.
ومن وقتها…
اتغيرت علاقتي بالأكل، واتغيرت طريقة تفكيري، وبقى عندي ثقة أكبر في جسمي واحتياجاته.
والنهارده، بعد ما ساعدت مئات النساء يبنوا نفس الثقة ويفهموا جوعهم بشكل أعمق…
جمعت كل اللي اتعلمته من تجربتي الشخصية، ودراستي، وشغلي مع العملاء في مكان واحد:
The Hunger Blueprint
مش نظام غذائي.
ومش مجموعة قواعد جديدة.
لكن منهج عملي يساعدك تفهمي جوعك، وتبني ثقة حقيقية في جسمك، وتكسري دايرة الخوف واللخبطة حوالين الأكل.
✨ مئات العميلات كسروا دايرة الدايت و اتعلموا يفهموا جوعهم... ورجعوا يثقوا في أجسامهم ويستمتعوا بالأكل من غير خوف أو ذنب ✨
إيه اللي هتحصلي عليه جوا كورس The Hunger Blueprint
منهج شامل هيمشي معاكي خطوة بخطوة…
علشان تكسري خوفك من الجوع، وتبني ثقة حقيقية في جسمك وأكلك.
⏱️ إجمالي محتوى الكورس حوالي ٤ ساعات، متقسمة على ٦ أسابيع بطريقة سهلة وواقعية تناسب نمط حياتك.
✅ Bite-sized video lessons – فيديوهات قصيرة وسهلة التطبيق
دروس بسيطة و مختصرة تقدري تشوفيها وسط زحمة يومك من غير ما تحسي بضغط أو تخمة معلومات.
📅 Dripped content – المحتوى بيتفتح تدريجيًا أسبوع بعد أسبوع
كل أسبوع هيفتحلك جزء جديد من البرنامج مبني على اللي قبله، علشان تقدري تركزي على التطبيق وبناء عادات ومهارات حقيقية بدل ما تحاولي تحاولي تتعلمي كل حاجة مرة واحدة.
✅ Worksheets – أوراق عمل للتطبيق
ملفات تمارين وأسئلة مصممة علشان تساعدك تطبقي اللي بتتعلميه في حياتك اليومية، وتفهمي جوعك بشكل أعمق، وتحوّلي الفهم لتغيير حقيقي في علاقتك بالأكل و جسمك.
⭐بالإضافة لـ Premium Bonuses هتكون متاحة ليكي بدون أي تكلفة إضافية
✅ Guided Audios – تسجيلات صوتية
تسجيلات هادية تساعدك تهدّي الدوشة في دماغك، وتسمعي إشارات جسمك بوضوح، وتتعاملي مع الجوع براحة وثقة أكبر.
✅ Lifetime access – وصول للمحتوى مدى الحياة
لأن فهم جوعك وبناء الثقة في جسمك رحلة مستمرة، هيفضل المحتوى متاح ليكي دائمًا… تقدري ترجعي له في أي مرحلة من حياتك كل ما تحتاجي مراجعة، دعم، أو وضوح أكتر.
و في النهاية، إنتي مش بتتعلمي معلومات مؤقتة…
إنتي بتبني مهارة تفضل معاكي طول العمر.
اختاري التجربة المناسبة ليكي
Option 1
The Hunger Blueprint Self-Paced Course
مناسب ليكي لو بتحبي تتعلمي وتطبقي مع نفسك بالرتم المريح ليكي.
هتحصلي على:
✅ منهج The Hunger Blueprint كامل بكل مراحله وخطواته
✅ جميع الدروس، أوراق العمل، والتسجيلات الصوتية
✅ المحتوى بيتفتح تدريجيًا على مدار ٦ أسابيع
✅ وصول للمحتوى مدى الحياة
5,500 EGP
متاح تسهيلات في الدفع . تواصلي مع الفريق على واتساب من هنا للتفاصيل
Option 2
The Hunger Blueprint Live Group Coaching Experience
مناسب ليكي لو بتحبي يكون عندك دعم وتوجيه مباشر أثناء رحلتك مع الجوع.
هتحصلي على كل الموجود في الself-paced course
✅ جلسات جماعية أسبوعية لايف (90 دقيقة)
مساحة آمنة لطرح الأسئلة ومناقشة التحديات اللي بتقابلك أثناء التطبيق، مع فرصة للحصول على Hot Seat Coaching وتوجيه شخصي يساعدك تتعاملي مع الجوع والأكل بثقة أكبر.
✅ تسجيلات الجلسات
لو فاتتك أي جلسة أو حبيتي ترجعي لجزء معين، كل التسجيلات هتكون متاحة ليكي.
✅ مجموعة دعم خاصة على Telegram
عشان تسألي أسئلتك، تشاركي تطبيقاتك، وتحصلي على دعم بين الجلسات.
👭 ٦ مشاركات فقط
علشان تحصلي على مساحة حقيقية للدعم، المتابعة، والكوتشينج أثناء الرحلة.
⏳ التجربة تفتح مرة واحدة فقط في السنة
📅 تبدأ المجموعة يوم 12 يوليو
7,500 EGP
متاح تسهيلات في الدفع . تواصلي مع الفريق على واتساب من هنا للتفاصيل
طرق الدفع المتاحة
متاح التقسيط عن طريق Valu، Sohoula و أمان أو باستخدام فيزا البنك الأهلي، بنك مصر أو بنك NBD
كل سنة بتعدي وإنتي في حرب مع الجوع…
هي سنة أقل من الراحة.
وأقل من الطاقة.
وأقل من الحرية اللي تستحقيها.
لأن المشكلة عمرها ما كانت في الأكل.
ولا في الإرادة.
ولا في إنك “مش عارفة تلتزمي”.
المشكلة إنك اتعلمتي تخافي من إشارات جسمك بدل ما تثقي فيها.
The Hunger Blueprint معمول علشان يساعدك تبني الثقة دي من جديد…
علشان تبطلي تدوري برّه على إجابات…
وتبدأي تسمعي الإجابات اللي جسمك بيحاول يقولها من زمان.
لأنك تستحقي تعيشي براحة أكتر…
وجسمك يستحق إنه يتسمع.
الأسئلة المتكررة (FAQ)
طبعًا. الكورس معمول من الصفر، خطوة بخطوة، وهيساعدك تفهمي جسمك وتتعاملي مع جوعك بثقة، حتى لو دي أول مرة تسمعي عن التغذية الحدسية.
ده طبيعي جدًا بعد سنين من الدايت، الحرمان، أو تجاهل إشارات الجسم. الكورس هيساعدك تفهمي ليه ده بيحصل وإزاي تبدأي تسترجعي التواصل مع إشارات جسمك وتلاحظيها من جديد.
كتير من حالات النهم أو فقدان السيطرة بيكون وراها خوف من الجوع، حرمان، أو عدم فهم احتياجات الجسم.
جوه الكورس هتتعلمي تفهمي جوعك وتتعاملي معاه بطريقة أهدى وأكثر وعيًا، وتبني ثقة أكبر في إشارات جسمك بدل ما تعيشي في صراع مستمر معاها.
ولما الخوف والحرمان يقلوا، كتير من السيدات بيلاحظوا إن علاقتهم بالأكل بتبقى أهدى وإن نوبات النهم أو فقدان السيطرة بتقل تدريجيًا.
The Hunger Blueprint مبني على الاستماع للجوع وإشارات الجسم بدل اتباع قواعد وأنظمة خارجية.
علشان تستفيدي من الكورس بأكبر قدر ممكن، مهم يكون عندك استعداد تسيبي الدايت وتجرّبي طريقة مختلفة في التعامل مع الأكل والجوع.
مش محتاجة تكوني مقتنعة 100٪ من البداية... يكفي يكون عندك استعداد تسمعي جسمك وتدي نفسك فرصة لتجربة مختلفة.
ممكن يكون عندك هدف لخسارة الوزن، لكن The Hunger Blueprint مش برنامج لخسارة الوزن ومش هيديلك نظام غذائي أو خطة أكل بهدف تقليل الوزن.
التركيز هنا هيكون على فهم جوعك، بناء الثقة في جسمك، والتعامل مع الأكل بطريقة أهدى وأكثر مرونة.
وفي الحقيقة، الاستماع للجوع والشبع واحترام احتياجات جسمك من العوامل المهمة اللي بتساعد الجسم يوصل لوزنه الطبيعي والصحي ويستقر عليه مع الوقت، من غير مجهود مستمر في السيطرة أو اتباع قواعد صارمة.
حوالي 30 دقيقة أسبوعيًا لمتابعة الدروس.
أما الجزء الأهم فهو التطبيق في حياتك اليومية، لأن التغيير الحقيقي بيحصل من الممارسة والتجربة، مش من مشاهدة الفيديوهات بس.
ال PowerPoint presentations اللي باستخدمها في شرح المحاضرات بتكون باللغة الإنجليزية زى الفيديو التعريفي اللي في بداية الصفحة. الموارد و اوارق العمل اللي بتستخدم في التطبيق متاحة باللغتين الإنجليزية والعربية.
كل فيديوهات ومصادر الكورس متاحة فقط من خلال الموقع جوّه حسابك الخاص، حفاظًا على حقوق الملكية والخصوصية، وتنظيم المحتوى لتجربة تعلم مريحة وواضحة و سهلة 💻
بعد تأكيد الدفع مع الفريق على واتساب، هنبعتلك خطوات الدخول لحسابك علشان تبدأي على طول ✨
غير متاح استرداد المبلغ بعد الدفع.
لو عندك أي أسئلة أو محتاجة تتأكدي إن البرنامج مناسب ليكي، ابعتيلي على إنستجرام قبل التسجيل وهساعدك تاخدي القرار المناسب.
اضغطي هنا للتواصل معايا 💛
hello
أنا ياسمين ممدوح — كنت دايمًا بمشي على أنظمة دايت، ودلوقتي بقيت اخصائية تغذية حدسية. باحب الشوكولاتة ومهمتي اساعد الستات يوصلوا لحرية الأكل.
مؤسسة The Intuitive Plate
- كوتش تغذية معتمدة، PN
- اخصائية تغذية معتمدة، ISSA
- هيلث كوتش معتمدة، ICF
- مدربة رياضية، NASM