رحلة مدتها ٦ شهور هتنقلك من دوشة التفكير في الأكل و القلق المستمر من شكل جسمك، إلى علاقة مريحة مع الأكل و جسمك مبنية على الثقة بنفسك و المرونة و حرية الإختيار...
عشان ترجعي تستمتعي بحياتك و صحتك من غير حرمان أو ذنب أو خوف 💛
✨ التقديم مفتوح الآن ✦ أماكن محدودة ✦ يبدأ البرنامج يوم 1 نوفمبر ✨
انتي قررتي تقطعي ورقة الدايت، لكن اكتشفتي إن يومك لسه بيدور حوالين الأكل و القلق من شكل جسمك
- كل وجبة كأنها امتحان و سلسلة من الأسئلة و التردد.
قبل الأكل، بتفضلي تسألي نفسك: “آكل و لا أستنى؟”، “أنا جعانة بجد؟”، “أطلب البرجر… و لا أختار حاجة أخف؟”
و بعد الأكل تبدأ أسئلة من نوع تاني: “أكلت زيادة؟”، “كان المفروض أوقف بدري؟”،”ليه عملت كده؟”
و تلاقي نفسك دخلتي في دوامة من التفكير و الذنب و تحليل كل لقمة.
- لما تكوني مضغوطة، متضايقة، مرهقة أو حتى عايزة تكافئ نفسك، بتلاقي الأكل هو أول حاجة بتروحي لها..كأنه الحاجة الوحيدة اللي بتعرف تبسطك أو تهديكي.
- بتقعدي قدام المنيو وقت طويل… يبقى نفسك في الساندوتش، لكن تطلبي السلطة… وترجعي البيت متضايقة إنك لا أكلتي اللي نفسك فيه، ولا استمتعتي بالأكلة مع صحابك.
و مش بس الأكل…
شكل جسمك كمان بقى واخد مساحة كبيرة من تفكيرك.
- في أي خروجة، أو مناسبة، أو حتى و إنتي بتتصوري… تلاقي نفسك بتقارني جسمك بالناس اللي حواليكي بدل ما تستمتعي باللحظة.
- تبصي لنفسك في المراية… و عينك تلقائيًا بتروح على كل حاجة مش عاجباكي في جسمك، لحد ما تحسي بالإحباط، و تفقدي ثقتك في نفسك.
- لما وزنك يزيد أو هدومك تضيق، مودك بيتغير و تفضلي طول اليوم مركزة مع جسمك. تشدي البلوزة و تعدلي البنطلون و تحاولي تستخبي و تفكري: “يا ترى الناس لاحظت إني تخنت؟”
و تلاقي اليوم خلص… نص تركيزك كان مع الأكل، و النص التاني مع جسمك.
و الحياة بتعدي، و إنتي بتصرفي طاقتك في التفكير، أكتر ما بتعيشيها و تستمتعي بيها.
اللي بيحصل معاكي ده مش مشكلة أكل أو وزن… و لا نقص معلومات عن التغذية… و لا ضعف إرادة.
الحقيقة إن المشكلة أعمق من كده.
سنين من الدايت، و القواعد، و الخوف خلتك تفقدي الثقة في نفسك.
بقيتي تعتمدي على قواعد و نصايح من بره… أكتر ما بتعتمدي على جسمك و على نفسك.
و بقى الأكل و شكل جسمك هم اللي بيحددوا يومك، و مودك، و نظرتك لنفسك، و حتى إحساسك بقيمتك.
و لما الأكل و الجسم يبقوا محور يومك…
بيبقى الثمن أكبر بكتير من مجرد الإنشغال بالأكل.
الثمن إنك…
- موجودة مع الناس… لكن مش حاضرة، و صعب عليكي تستمتعي باللحظة.
- تأجلي اللبس اللي بتحبيه و الصور و السفر أو أنك تعملي حاجات نفسك فيها.
- يبقى مودك، و ثقتك بنفسك، متعلقين بأكلة… أو رقم على الميزان.
- تحسي إن الاهتمام بصحتك بقى عبء… بدل ما يكون وسيلة تعيشي بيها حياة أحسن.
و يمكن أكبر ثمن هو…
إن الحياة بتعدي… و إنتي مستنية جسمك يتغير عشان تسمحي لنفسك تعيشيها!
بس في شكل تاني للحياة… أهدى، و أسهل، و أمتع من كده.
تخيلي..
- تصحي الصبح، و الأكل ما يبقاش أول حاجة تشغل بالك.
- تختاري أكلك و إنتي واثقة في اختياراتك… و سواء كان سلطة أو تشيزكيك، تاكلي، و تستمتعي، و تكملي يومك بشكل طبيعي.
- تحسي بالجوع… فتأكلي. تشبعي… فتوقفي. و تثقي إن جسمك يعرف يقولك هو محتاج إيه.
- يبقى عندك أكتر من طريقة تهدي بيها نفسك، و تتعاملي مع الضغط… و يبقى الأكل اختيار، مش الحل الوحيد.
- تلبسي اللي بتحبيه و تتصوري و تروحي البحر و تستمتعي باللحظة، بدل ما تكوني مشغولة بشكل جسمك.
- تهتمي بصحتك… مش عشان تعاقبي نفسك أو تصغري جسمك، لكن لأنك فعلًا بتحبي نفسك، و عايزة تعتني بيها.
و الأهم من كل ده…
يبقى عندك مساحة أكبر للحاجات، و الناس، و اللحظات اللي فعلًا تستحق اهتمامك.
و يبقى الأكل جزء ممتع في الحياة... لكنه مش الحياة كلها!
و علشان توصلي للحياة دي…
محتاجة ترجعي تبني الثقة في نفسك.
تتعلمي تسمعي جسمك، و تفهمي احتياجاته.
تتصالحي مع كل أنواع الأكل… و تبطلي تشوفيه بعين المسموح و الممنوع.
تتعلمي تتعاملي مع مشاعرك برحمة، بدل ما تحاربيها أو تهربي منها.
و تهتمي بصحتك بدافع الحب… مش الخوف.
لأن علاقتك مع الأكل مش بتتغير لما تغيري أكلك…
بتتغير لما تغيري علاقتك بنفسك.
و ده بالضبط اللي بنعمله في Confidently Nourished
برنامج Confidently Nourished مش مجرد برنامج تغذية
هو رحلة تساعدك تستعيدي الثقة في نفسك، و تبني علاقة أهدى مع الأكل، و جسمك، و صحتك.
بنركز فيها على أنك تغذي نفسك من ٣ جوانب أساسية: عقليًا، و عاطفيًا، و جسديًا.
Physically Nourished
هتتعلمي تسمعي إشارات جسمك، و تفهميها، و تستجيبي لها بحكمة
هتتصالحي مع كل أنواع الأكل، و تاكلي براحة، و مرونة، و من غير خوف أو ذنب.
تكتشفي معنى Joyful Health… و إزاي تهتمي بصحتك بمتعة، مش بمعاناة.
من خلال أكل مغذي بتختاريه بمرونة، و حركة تستمتعي بيها و تقدري تستمري عليها، و عادات بسيطة و مستدامة تناسب حياتك.
علشان الصحة تبقى جزء من حياتك… مش مشروع بتبدئيه أول كل أسبوع.
Mentally Nourished
تتعلمي تفكري بطريقة مختلفة… مش بس تاكلي بطريقة مختلفة
هنشتغل على تغيير طريقة تفكيرك عن الأكل، و جسمك، و صحتك.
هنفكك معتقدات سنين الدايت، و الخوف، و التفكير بعقلية الأبيض و الأسود.
هتبطلي تقسمي الأكل لمسموح و ممنوع، و تتعلمي تشوفيه بعدسة جديدة مرنة.
و الأهم…
هتبني صوت داخلي أهدى، و أرحم، و تثقي في نفسك و اختياراتك بدل ما تعتمدي على قواعد من بره.
Emotionally Nourished
الأكل مش دايمًا بيكون المشكلة… ساعات بيكون مجرد محاولة لتلبية احتياج أعمق
هتتعلمي تفهمي مشاعرك بدل ما تهربي منها.
تكتشفي الاحتياجات اللي وراها.
تتعلمي تنظمي مشاعرك، و تعبري عنها، و تحطي حدود صحية.
و يبقى عندك أكتر من طريقة تهتمي بنفسك، غير إن الأكل يبقى الحل الوحيد.
و خلال الرحلة، هتبني كمان علاقة أهدى مع جسمك… بحيث شكله أو وزنه مايبقوش المتحكمين في ثقتك بنفسك، أو استمتاعك بحياتك.
رحلتك في
Confidently Nourished
اضغطي على كل مرحلة عشان تشوفي هنشتغل على إيه، و إزاي كل خطوة بتقربك للنتيجة اللي بتدوري عليها. 👇🏻
هنبدأ من الجذور... و نبني الأساس اللي هتعتمدي عليه طول الرحلة.
قبل ما تتعلمي أي حاجة جديدة، محتاجة الأول تفكي تأثير سنين الدايت اللي خلتك تفقدي الثقة في نفسك، و في جسمك.
هتكتشفي إزاي ثقافة الدايت أثرت على علاقتك بالأكل، و جسمك، و صحتك، و هتراجعي قصتك مع الدايت، و تتصالحي مع السنين اللي فاتت، و تسيبي وراكي القواعد اللي مبقتش بتخدمك.
و في نفس الوقت، هتبدئي تبني أساس جديد لعلاقتك مع الأكل، و جسمك، و صحتك... أساس مبني على الثقة، و المرونة، و مبادئ التغذية الحدسية.
بنهاية المرحلة دي...
هتكوني جاهزة تبدأي رحلة مختلفة... من غير ما تشيلي معاكي حمل سنين الدايت.
هتتعلمي تسمعي جسمك من جديد.
بعد ما بدأتي تستعيدي الثقة في نفسك... هنرجع نبني الثقة في جسمك.
بدل ما تعتمدي على تطبيق، أو أرقام، أو رأي أي حد... هتتعلمي تفهمي إشارات جسمك، و تفرقي بين احتياجاته المختلفة، و تستجيبي ليها بحكمة.
هتكتشفي إن الجوع، و الشبع، و حتى الـ cravings... كلها رسائل من جسمك تستحق إنك تسمعيها، مش تحاربيها. و إن الاستمتاع بالأكل، و الإحساس بالرضا بعده، جزء أساسي من التغذية... مش حاجة تحسي بالذنب بسببها.
هتبني ثقة حقيقية في جسمك، و في قدرته إنه يوجّهك لاحتياجاته... سواء كانت أكل، أو راحة، أو حركة، أو حتى متعة.
بعد المرحلة دي...
هتحسي إن جسمك بقى الدليل اللي تقدري تثقي فيه.
هنغير العدسة اللي بتشوفي بيها الأكل، و جسمك، و صحتك.
دلوقتي بعد ما بقي عندك دليل تقدري تثقي فيه... هنبدأ نغير طريقة التفكير اللي بتوجّه قراراتك.
هتفكي عقلية المسموح و الممنوع، و التفكير الأبيض و الأسود، و تتعلمي تشوفي الأكل، و جسمك، و صحتك بمنظور جديد قائم على المرونة... مش الكمال.
هتتصالحي مع كل أنواع الأكل، و تاخدي قراراتك بثقة، من غير ما الخوف أو الذنب يكونوا هما اللي بيوجهوكي.
و الأهم... هتبني صوت داخلي أهدى، و أرحم، و يبقى عندك ثقة أكبر في نفسك و في اختياراتك.
ساعتها...
هتلاقي قراراتك مع الأكل و جسمك بقت تطلع من الثقة... مش من الخوف.
هتتعلمي تفهمي احتياجاتك، و تسمعي مشاعرك... قبل ما تدوري على الأكل.
بعد ما بقيتي تثقي في جسمك، و في اختياراتك... جه الوقت تتعلمي تهتمي بنفسك بطريقة مختلفة.
هتتعلمي تسمي مشاعرك، و تفهمي الرسالة اللي جاية بيها، و تكتشفي الاحتياجات اللي وراها... بدل ما تهربي منها أو تحاولي تسكتيها بالأكل.
هتتعلمي تنظمي مشاعرك، و تعبري عنها، و تحطي حدود صحية، و يبقى عندك أكتر من طريقة تهتمي بيها بنفسك في الأيام الصعبة.
و هتكتشفي إن الأكل مش لازم يبقى الوسيلة الوحيدة للراحة، أو المكافأة، أو الهروب... لأنه بقى عندك اختيارات تانية تلبي احتياجاتك.
هتلاحظي إن...
الأكل بقى اختيار، مش الملجأ الوحيد.
هتتعلمي تعيشي في جسمك... بدل ما تفضلي مستنياه يتغير.
و لما الأكل مبقاش واخد كل المساحة... هنبدأ نبني علاقتك بجسمك.
هتتفهمي مشاعر الحزن، و الإحباط، و المقارنة، و النقد اللي ممكن تكوني شايلاها تجاه جسمك... و تبدأي تبني علاقة قائمة على الاحترام، مش الرفض.
هتتعلمي تعيشي حياتك دلوقتي... تلبسي اللي بتحبيه، و تتصوري، و تخرجي، و تستمتعي باللحظات من غير ما يبقى شكلك هو اللي بيحدد ثقتك بنفسك أو استمتاعك.
و هتكتشفي إن قيمتك مش مرتبطة بشكل جسمك أو الرقم اللي على الميزان... لكنها أكبر بكتير من كده.
وقتها...
هتحسي إن جسمك بقى مكان تعيشي فيه... مش مشروع طول الوقت بتحاولي تصلحيه.
هنجمع كل اللي اتعلمتيه... و نحوله لطريقة حياة تقدري تعيشي بيها.
دلوقتي بقي عندك كل القطع... و جه الوقت تخليها أسلوب حياة.
هتتعلمي تهتمي بصحتك من غير ما ترجعي للحرمان، أو القواعد، أو التفكير الأبيض و الأسود.
هتبني أسلوب حياة مرن يناسب احتياجاتك، و ظروفك، و قيمك... من خلال أكل مغذي بتختاريه بمرونة، و حركة تستمتعي بيها، و عادات بسيطة و مستدامة تقدري تكملي عليها.
و هتتعلمي تتعاملي مع السفر، و المناسبات، و الضغوط، و تغييرات الحياة... من غير ما تحسي إنك "بوظتي كل حاجة" أو محتاجة تبدأي من الأول.
بنهاية الرحلة...
مش هيبقى عندك برنامج تمشي عليه... هيبقى عندك الثقة إنك تعرفي تعتني بنفسك، و تختاري اللي يناسبك، مهما اتغيرت ظروف حياتك.
كل مرحلة من الرحلة بتبني على اللي قبلها…
لكن التحول الحقيقي مش بيحصل من المعلومات لوحدها.
بيحصل لما يبقى عندك طريق واضح، و مساحة تطبقي، و حد يمشي الرحلة معاكي… خاصة في الأيام اللي تحسي فيها إنك رجعتي لنقطة الصفر.
علشان كده، Confidently Nourished مصمم أنه يقدملك الدعم اللي تحتاجيه في كل خطوة من الرحلة.
لما تستثمري في Confidently Nourished هتحصلي على:
كل عنصر في البرنامج معمول علشان يساعدك في جزء مختلف من الرحلة… من التعلم، للتطبيق، للدعم، لحد ما التغيير يبقى جزء من حياتك.
Meet your Coach
Confidently Nourished مش مجرد محتوى أو جلسات كوتشينج…
هو رحلة هيمشيها معاكي شخص مؤمن إنك تستحقي تعيشي حياة أهدى مع الأكل، و جسمك، و نفسك.
لأن أنا كمان عشت صراع مع الأكل، و الجسم، و محاولة الوصول للكمال… و عارفة قد إيه الرحلة دي ممكن تكون مرهقة لو بتحاولي تمشيها لوحدك.
hello, gorgeous
أنا ياسمين ممدوح
قضيت ١٦ سنة من عمري بدور على الدايت المثالي، و الجسم المثالي، و الحياة اللي كنت متخيلة إنها هتبدأ أول ما أوصل لرقم معين على الميزان.
و كنت فاكرة إن لما أدرس تغذية، و أعرف معلومات أكتر، كل مشاكلي مع الأكل و جسمي هتتحل.
لكن بعد سنين من المحاولة… و حتى بعد الدراسة، اكتشفت إن المشكلة عمرها ما كانت في الأكل.
المشكلة كانت إن الأكل، و شكل جسمي، بقوا واخدين مساحة أكبر من اللازم في حياتي. كنت بقضي وقت طويل أفكر هآكل إيه، و أحلل كل قرار، و أحس بالذنب بعد الأكل… و أستنى جسمي يتغير علشان أبدأ أعيش حياتي.
كل ده اتغير لما اتعرفت على التغذية الحدسية.
اتعلمت أسمع جسمي بدل ما أحاربه، و أبني الثقة في نفسي، و أفهم احتياجاتي، و أتعامل مع نفسي برحمة بدل الخوف و النقد.
ساعتها بس الأكل رجع لحجمه الطبيعي في حياتي… و جسمي بقى وسيلة أعيش بيها حياتي، مش مشروع طول الوقت بحاول أصلحه.
وده بالضبط السبب اللي خلاني أبني Confidently Nourished…
علشان أساعد البنات و الستات يسترجعوا المساحة اللي الأكل، و القلق، و شكل الجسم أخدوها من حياتهم… و يرجعوا يعيشوا حياتهم.
Confidently Nourished مناسب ليكي لو…
✔️ بطلتي دايت أو عد سعرات، لكن لسه بتحسي إن الأكل، و شكل جسمك، واخدين مساحة أكبر من اللازم في يومك.
✔️ قررتي إنك مش عايزة تعيشي في صراع مع الأكل أو جسمك، و نفسك تلاقي طريقة أهدى و أسهل تهتمي بيها بنفسك.
✔️ جاهزة تتعلمي تسمعي جسمك، و تثقي في نفسك، بدل ما تفضلي تدوري على إجابة من بره.
✔️ سمعتي عن التغذية الحدسية، أو قريتي عنها، أو اتفرجتي على فيديوهات… لكن اكتشفتي إن التطبيق في الحياة الحقيقية أصعب بكتير من مجرد فهم المبادئ.
✔️ عايزة تهتمي بصحتك من غير حرمان، أو قواعد، أو خوف… و من غير ما يكون ده على حساب راحتك النفسية أو استمتاعك بالحياة.
✔️ مؤمنة إن التغيير الحقيقي محتاج وقت، و ممارسة، و دعم… و مستعدة تدي لنفسك الفرصة دي.
Confidently Nourished مش مناسب ليكي لو…
✖️ هدفك الأساسي دلوقتي هو خسارة الوزن، أو لسه بتدوري على الدايت، أو الـ Meal Plan، و مش مستعدة تحطي هدف نزول الوزن على جنب مؤقتًا، و تركزي على بناء علاقة جديدة مع الأكل، و جسمك.
✖️ بتدوري على إجابات جاهزة، أو تغيير سريع… من غير استعداد للتطبيق، و التجربة، و بناء الثقة في نفسك خطوة بخطوة.
✖️ مش مستعدة تستكشفي أفكارك، و مشاعرك، و احتياجاتك، أو تلتزمي بالتطبيق، و الـ Journaling بين الجلسات.
✖️ مش مرتاحة لفكرة الـ Group Coaching، أو مشاركة رحلتك مع مجموعة صغيرة من السيدات. في الحالة دي، ممكن يكون برنامج الجلسات الفردية أنسب ليكي.
✖️ عندك اضطراب أكل نشط (Active Eating Disorder) مشخص من متخصص. في الحالة دي، هيكون الأفضل إنك تتلقي العلاج المناسب الأول، و بعد كده نحدد معًا إذا كان البرنامج مناسب ليكي.
لو حسيتي إنك لسه مش جاهزة لأي نقطة من دول… ده مش معناه إن في مشكلة فيكي، أو إنك مش هتقدري توصلي. يمكن ببساطة يكون ده مش الوقت المناسب ليكي… و ده طبيعي.
✨ أكتر من ١٠٠٠ ست استرجعوا حريتهم مع الأكل، و رجعوا يستمتعوا بجسمهم، و حياتهم... و انتي كمان تقدري تعملي ده. ✨
في نهاية الرحلة…
🌿 الأكل هيبقى جزء طبيعي من حياتك… مش محور يومك. هتاكلي، و تكملي يومك بشكل طبيعي.
🌿 هتختاري أكلك بسهولة… من غير حيرة، أو تردد، أو تحليل، أو ذنب.
🌿 هتسمعي جسمك، و تثقي في إشاراته… و تاخدي قراراتك براحة.
🌿 هتستمتعي بالأكل في المطاعم، و السفر، و المناسبات… من غير نهم، أو تعويض، أو خوف.
🌿 هتهتمي بصحتك لأنك بتحبي نفسك… هتختاري أكل يغذي جسمك، و حركة تستمتعي بيها، و عادات تقدري تكملي عليها.
🌿 هيبقى عندك أكتر من طريقة تهدي بيها نفسك… غير الأكل.
🌿 هتعيشي في جسمك براحة… تلبسي اللي بتحبيه، و تتصوري، و تستمتعي باللحظات من غير ما شكلك يشغلك.
🌿 و الأهم…
هتثقي في نفسك… و تسترجعي حرية الأكل، و راحة الجسم، و متعة الحياة.
استثمارك
يشمل البرنامج:
✓ رحلة لمدة ٦ شهور
✓ Weekly Live Group Coaching Calls (٢٤ جلسة)
✓ Confidently Nourished Roadmap خطوة بخطوة
✓ Private Telegram Community
✓ Confidently Nourished Toolbox
✓ Lifetime Access – وصول مدى الحياة
خطة الدفع الشهري
6,666 EGP
شهريًا لمدة ٦ شهور
الدفع الكامل
39,996 EGP
دفعة واحدة (مع توفر خيارات لتقسيط المبلغ الكامل)
طرق الدفع المتاحة
طريقة الإشتراك
Confidently Nourished بيفتح مرة واحدة في السنة، و بيستقبل ٨ بنات فقط في كل دفعة.
علشان كل واحدة تاخد الاهتمام، و الدعم، و الـ Coaching اللي تستحقه، الانضمام بيكون من خلال استمارة تقديم، ثم مكالمة استكشافية مجانية (Discovery Call).
هدف المكالمة إننا نتأكد إن البرنامج مناسب ليكي، و إن Confidently Nourished هو أفضل خطوة ليكي في المرحلة دي من رحلتك.
الأسئلة المتكررة (FAQ)
البرنامج مناسب سواء دي أول مرة تسمعي عن التغذية الحدسية، أو عندك معرفة بيها لكن لسه حاسة إن التطبيق في الحياة اليومية صعب. هنبدأ من الأساس، و نبني خطوة بخطوة.
طبيعي جدًا إن يكون عندك رغبة في خسارة الوزن. إحنا عايشين في ثقافة علمتنا إن الراحة، و الثقة، و السعادة هتيجي لما جسمنا يتغير. علشان كده، الإحساس ده مفهوم جدًا.
لكن في Confidently Nourished، نزول الوزن مش هو الهدف الأساسي. لأن طول ما تركيزك الأساسي على تغيير جسمك، هيبقى صعب تبني الثقة في نفسك، و في جسمك، و تبني علاقة مريحة مع الأكل.
طيب... هل ممكن وزنك يتغير؟
الحقيقة إن محدش يقدر يجاوب على السؤال ده، لأن كل جسم مختلف. مع تعافي علاقتك مع الأكل، جسمك هيبدأ يستقر عند الوزن الطبيعي و المناسب ليه، و ده ممكن يكون معناه إن الوزن ينزل، أو يثبت، أو حتى يزيد عند بعض الأشخاص.
لكن اللي بيتغير فعلًا... هو علاقتك بالأكل، و بنفسك، و بجسمك. بترجعي تستمتعي بالأكل، و تثقي في جسمك، و تخرجي من دوامة الدايت و التفكير المستمر فيه.
و الأهم... وزنك هيبطل يكون هو اللي بيحدد راحتك، أو ثقتك بنفسك، أو استمتاعك بالحياة.
فلو انتي مستعدة تدي لنفسك الفرصة، و تحطي هدف نزول الوزن على جنب مؤقتًا، و تركزي على بناء علاقة مريحة مع الأكل، و جسمك، و صحتك... فغالبًا Confidently Nourished هيكون المكان المناسب ليكي.
لو عندك اضطراب أكل نشط (Active Eating Disorder) مشخص من متخصص، فالبرنامج مش هيكون الخيار الأنسب في المرحلة الحالية. بعد استقرار الحالة، نقدر نناقش سوا إذا كان مناسب ليكي.
كل محتوى البرنامج هيكون متاح داخل Telegram. هتلاقي الفيديوهات، و التمارين، و الـ Journal Prompts، و الأدوات، و كمان مجتمع البرنامج و الدعم بين الجلسات... كله في مكان واحد سهل ترجعيله في أي وقت.
ولا يهمك. هتقدري تشوفي تسجيل الجلسة بعد ما تخلص، و لو ظهرلك أي سؤال وإنتي بتطبقي، تقدري تشاركيه في جروب البرنامج، و هتلاقي الدعم و التوجيه اللي يساعدك تكملي الرحلة.
المشاركة جزء أساسي من تجربة Confidently Nourished، لأنك مش جاية تسمعي معلومات وبس... جاية تطبقي، و تاخدي Coaching على مواقفك الحقيقية.
وجزء كبير من بناء الثقة في نفسك بيحصل لما تسمحي لنفسك تتشافي، و يتسمع صوتك، و تشاركي قصتك في مساحة آمنة من غير خوف من الحكم أو النقد.
مش مطلوب إنك تكوني أكتر واحدة بتتكلم، لكن مهم تدي لنفسك الفرصة إنك تشاركي بالقدر اللي يناسبك، لأن ده جزء من رحلة التعافي و بناء الثقة في نفسك.
هتحتاجي حوالي ساعتين إلى ٣ ساعات أسبوعيًا بين مشاهدة المحتوى، و حضور الجلسة، و التطبيق. البرنامج مصمم علشان يناسب الحياة المزدحمة، و يركز على التطبيق العملي أكتر من كثرة المعلومات.
المجموعة تبدأ يوم ١٥ أكتوبر. بما إن البرنامج بيفتح مرة واحدة في السنة، و بيستقبل ٨ سيدات فقط، بننصحك تقدمي بدري عشان تضمني مكان في البرنامج.
أنا واثقة إنك هتختاري خطة الدفع اللي تناسب ظروفك، و تلتزمي بيها. علشان كده، قبل الانضمام، مهم تتأكدي إنك مرتاحة لخطة الدفع اللي هتختاريها، لأن مكانك بيكون محجوز ليكي طوال مدة البرنامج.
لكن في حالة التخلف عن سداد القسط بدون تواصل، فبيتم إيقاف الوصول لمحتوى البرنامج، و جلسات الـ Coaching، و الدعم، و يتم إعادة تفعيله بمجرد سداد القسط.
لأن مكانك بيكون محجوز ليكي بمجرد إتمام الاشتراك، جميع المدفوعات غير قابلة للاسترداد، حتى قبل بداية البرنامج.
علشان كده، بننصحك تتأكدي إن البرنامج مناسب ليكي قبل الاشتراك، و تستغلي الـ Discovery Call في سؤال أي استفسار عندك.
تقدري تتواصلي مع فريقنا على WhatsApp، أو تكتبيه في استمارة التقديم، أو تسأليه خلال الـ Discovery Call (المكالمة الإستكشافية).
هكون سعيدة إني أجاوب على كل استفساراتك، و أساعدك تعرفي إذا كانت دي الرحلة المناسبة ليكي.
و انتي بتقرري، افتكري أن..
انتي مش بتستثمري في ٦ شهور بس…
أنتِ بتستثمري في علاقة هتفضل معاكي مع الأكل، و جسمك، و صحتك لسنين جاية.
لأن اللي هتتعلميه هنا…
مش معلومات هتنسيها بعد كام أسبوع.
دي طريقة جديدة تعيشي بيها.
هتستخدميها كل مرة تجوعي…
كل مرة تحتاري تاكلي إيه…
كل مرة يطلعلك صوت الذنب…
كل مرة الحياة تضغط عليكي…
و كل مرة تختاري تهتمي بنفسك من مكان حب… مش خوف.
لأن أكبر استثمار مش إنك تغيري طريقة أكلك…
أكبر استثمار إنك تسترجعي المساحة اللي الأكل، و القلق، و الدايت أخدوها من حياتك…
و ترجعي تعيشيها بحُرية، و راحة، و استمتاع.
Yasmine Mamdouh
مؤسسة The Intuitive Plate
- كوتش تغذية حدسية
- كوتش تغذية معتمدة، PN
- اخصائية تغذية معتمدة، ISSA
- هيلث كوتش معتمدة، ICF
- مدربة رياضية، NASM