ابدئي عيشي حياتك من غير ما تستني جسمك يتغير.
رحلة مدتها ٦ أسابيع تساعدك تتصالحي مع جسمك وتبني علاقة جديدة معاه، فيها قبول، اتصال، حرية و بهجة.. عشان تبطلي تستني جسم مختلف وتبدأي تعيشي وتستمتعي بالجسم اللي عندك دلوقتي.
✨ يبدأ البرنامج يوم 1 نوفمبر ✨
يمكن تكوني بطّلتي الدايت وحاولتي تتعلمي التغذية الحدسية، أو حتى علاقتك بالأكل اتحسنت جدًا.
بس… لسه مش مرتاحة في جسمك.
ولسه مستنياه يتغير.
ممكن تلاقي نفسك…
- طول الوقت خايفة من زيادة الوزن، و بتتوتري أول ما تلاحظي أي تغيير في جسمك.
- بتبصي في المراية، و يوم تحسي إن شكلك حلو… و يوم تاني مش شايفة غير بطنك، دراعك، أو رجلك.
- قاعدة مع الناس، بس جزء من دماغك مشغول بـ:
“شكلي عامل إزاي؟ بطني باينة؟ الناس شايفاني إزاي؟” - بتأجلي اللبس اللي نفسك تلبسيه و بتقولي:
“هلبسه لما أخس شوية.” - بتتصوري مع أصحابك، أو تشوفي واحدة على إنستجرام… و فجأة بدل ما تعيشي اللحظة، تلاقي نفسك بتدوري على عيوب جسمك و بتقارنيه بغيرك.
و عارفة بعقلك إن جسمك مش مقياس لقيمتك…
بس أول ما تلبسي بنطلون مش مريح أو تشوفي صورة مش عاجباكي، كل الكلام ده بيختفي.
اللي محتاج يتغير مش جسمك ولا وزنك… لكن علاقتك بيه.
العلاقة اللي مبنية على عدم الرضا، والمراقبة، والتحكم، والانتظار…
تتحول لعلاقة فيها قبول، احترام، اتصال، و حرية.
و مش إنك تجبري نفسك تحبي كل حاجة في جسمك.
لكن إنك توصلي لمرحلة أنك مش محتاجة جسمك يتغير عشان تسمحي لنفسك تعيشي و تنبسطي.
و هو ده Body Joy
Body Joy مش معناها إنك تحبي جسمك كل يوم
لكن معناها إنك..
- تختاري لبسك على أساس إيه اللي بتحبيه، مش إيه اللي يخبي جسمك.
- تظهري في الصور بدل ما تفضلي ورا الكاميرا.
- تخرجي و تستمتعي مع أصحابك من غير ما تفضلي طول الوقت مشغولة بشكلك.
- ترقصي، تتحركي، و تجربي حاجات جديدة من غير ما تحسي إن جسمك لازم يكون في شكل معين الأول.
- تعدي الأيام اللي مش عاجبك فيها شكلك من غير ما اليوم كله يتحول لمعركة مع جسمك.
وتبدأي تحسي إنك عايشة في جسمك… مش طول الوقت واقفة بتبصي عليه من برّه.
رحلتك في Body Joy
في Body Joy، هنمشي سوا في رحلة مدتها ٦ أسابيع عشان نغيّر علاقتك بجسمك.
وكل أسبوع هنشتغل على جزء مختلف من العلاقة دي.
و في النهاية، مش الهدف إنك تصحي كل يوم بتحبي جسمك.
لكن إن علاقتك بجسمك ما تبقاش هي اللي بتحدد إنتي هتعيشي إزاي.
ايه اللي هتحصلي عليه لما تستثمري في Body Joy؟
6 Weekly Live Sessions – ٦ جلسات مباشرة أسبوعية
كل أسبوع هنتقابل سوا عشان نفهم و نشتغل على علاقتك بجسمك، ومع الـcoaching هنشتغل على الأفكار والتحديات اللي بتظهر معاكي خطوة بخطوة.
Worksheets وتمارين تطبيقية
تمارين تساعدك تستكشفي قصتك، أفكارك، والقواعد اللي عايشة بيها مع جسمك.
عشان تشتغلي على علاقتك بجسمك، مش بس تفهميها نظريًا.
Weekly Steps & Assignments
كل أسبوع هيكون عندك خطوة أو ممارسة بسيطة تاخديها معاكي للحياة اليومية.
عشان الـBody Joy مايفضلش حاجة بتتعلميها في الجلسة… لكن حاجة تبدأي تعيشيها برا الجلسة.
Telegram Community
مساحة آمنة تقدري تشاركي تجربتك فيها و تسألي بين الجلسات.
عشان تفضلي تحصلي على الدعم طول الرحلة و ماتحسيش إنك لوحدك.
مجموعة صغيرة (٨ أماكن بس)
في مجموعة صغيرة هتاخدي وقتك، وتشاركي، وتلاقي ناس فاهمة اللي بتمري بيه… فتكتشفي إنك مش لوحدك، ويشجعوكي في الأيام الصعبة، و يحتفلوا بكل تقدم تحققيه.
مش مجرد اسم في جروب… لكن مساحة يكون ليكي فيها صوت ومكان.
Lifetime Access
تسجيلات الجلسات وكل الـmaterials هتفضل متاحة ليكي مدى الحياة.
عشان تقدري ترجعي للمحتوى والتمارين وقت ما تحتاجيهم، وتكملي ممارسة Body Joy في حياتك.
Body Joy مش مجرد محتوى تتفرجي عليه وخلاص.
هي تجربة عملية فيها تعلم، تطبيق، coaching، و دعم.. عشان تبدأي تغيّري علاقتك بجسمك خطوة بخطوة، وتاخدي اللي بتتعلميه معاكي لحياتك اليومية.
هل Body Joy مناسب ليكي؟
البرنامج ده ليكي لو…
✔️ بطّلتي الدايت أو بتحاولي تتخلي عنه… بس لسه علاقتك بجسمك متعبة.
✔️ زهقتي من إن جسمك و وزنك واخدين مساحة كبيرة من تفكيرك وقراراتك.
✔️ بتفهمي بعقلك إن جسمك مش مقياس لقيمتك، بس لسه مش عارفة تعيشي ده بجد.
✔️ مش عايزة تفضلي مأجلة لبس، صور، خروجات، مصيف، أو تجارب بتحبيها لحد ما جسمك يتغير.
✔️ نفسك توصلي لمرحلة تكوني فيها مرتاحة، متصلة، وحرة في جسمك… حتى لو مش بتحبي شكله كل يوم.
البرنامج مش هو الاختيار المناسب ليكي لو…
❌ هدفك الأساسي دلوقتي هو خسارة الوزن أو تغيير شكل جسمك.
❌ بتدوري على برنامج يخليكي تحبي جسمك 100%.
❌ مش مستعدة تجربي طريقة مختلفة في علاقتك بجسمك، وتطبقي بين الجلسات.
❌ عندك eating disorder أو Body Dysmorphic Disorder (BDD) نشط، أو عندك أعراض نفسية محتاجة تقييم وعلاج متخصص في التعافي من الإضطرابات.
Meet your Coach
hello, gorgeous
أنا ياسمين ممدوح
و كنت مكانك في يوم من الأيام.
على مدار ١٦ سنة، كنت دايمًا بحاول أغيّر جسمي.
كل ما أخس، أقول: “لسه شوية.”
كل ما أشوف نفسي في المراية، أشوف إيه اللي محتاج يتغير.
وحتى لما وزني كان أقل، عمري ما حسيت إن جسمي كان كفاية.
فضلت سنين في حرب مع جسمي…
لحد ما استوعبت إن دي حرب مستحيل أكسبها.
وإن نص عمري تقريبًا راح وأنا بحاول أصلّح جسمي، بدل ما أتعلم أعيش فيه.
ولما اتعلمت أقبل جسمي وأحترمه بدل ما أفضل أتخانق معاخ، حصل تغيير كبير:
بطّلت أخلّي شكله يحدد إزاي أعيش.
لبست. اتصورت. اتحركت. استمتعت. وعشت.
رجعت أحس إني عايشة في جسمي… مش طول الوقت واقفة بتبص عليه من برّه.
وبعد ما عشت التحول ده بنفسي، بدأت أساعد الـclients بتوعي يعملوا نفس الـshift.
مش عشان يحبوا كل حاجة في جسمهم…
لكن عشان يعيشوا حياة مش بتدور حوالين شكل جسمهم، ومش مشروطة بوزن معين.
ومن هنا اتولدت فكرة Body Joy.
عشان أساعدك تاخدي نفس الخطوة:
تبطّلي تستني جسم مختلف…
وتبدأي تعيشي وتستمتعي بالجسم اللي عندك دلوقتي.
✨ أكتر من ١٠٠٠ ست استرجعوا حريتهم مع الأكل، و رجعوا يستمتعوا بجسمهم، و حياتهم... و انتي كمان تقدري تعملي ده. ✨
استثمارك في Body Joy
رحلة ٦ أسابيع عشان تبني علاقة مختلفة مع جسمك…
وتبطّلي تستني جسم مختلف عشان تبدأي تعيشي.
وتشمل:
✔️ ٦ جلسات Live أسبوعية مع Coaching
✔️Worksheets وتمارين تطبيقية
✔️ Weekly Steps & Assignments
✔️ Telegram Community
✔️ مجموعة صغيرة – ٨ أماكن فقط
✔️ Lifetime Access للمحتوى والتسجيلات
7500 EGP
أو دفعتين بقيمة 3750 جنيه
طرق الدفع المتاحة
تواصلي مع الفريق على واتساب لمزيد من التفاصيل عن طرق الدفع و التسهيلات
مش محتاجة تكتشفي بعد كام سنة إنك ضيّعتي وقت أكتر في محاولة تغيير جسمك.
سنين وإنتِ مستنية تخسي شوية عشان تلبسي اللي نفسك فيه.
مستنية تحبي شكلك عشان تتصوري.
مستنية تحسي بثقة عشان تخرجي وتظهري وتعيشي براحتك.
وكل مرة بتقولي:
“لما جسمي يتغير…”
بس الـ”لما” دي ممكن تطول.
وإنتِ مش محتاجة تستني أكتر.
لأن حياتك بتحصل دلوقتي.
واللحظات اللي بتأجليها مش بتستناكي.
Body Joy مش عن إنك تستسلمي.
هي عن إنك ما تضيعيش عمرك في محاربة جسمك.
إنتي مش محتاجة جسم جديد عشان تبدأي تعيشي.
إنتي محتاجة علاقة جديدة مع الجسم اللي عندك.
الأسئلة المتكررة (FAQ)
لأ. Body Joy مش عن إنك تجبري نفسك تحبي كل حاجة في جسمك. الهدف إنك توصلي لعلاقة فيها قبول، احترام، واتصال أكتر بجسمك، من غير ما شكله يحدد قيمتك أو الطريقة اللي بتعيشي بيها حياتك.
طبيعي جدًا يكون عندك رغبة في خسارة الوزن. إحنا عايشين في ثقافة علمتنا إن الراحة، والثقة، والسعادة هتيجي لما جسمنا يتغير، فالإحساس ده مفهوم جدًا.
في Body Joy، بنبدأ نستكشف إيه اللي ورا رغبتك في خسارة الوزن، وإيه اللي متخيلة إن جسم مختلف هيقدمهولك.
وفي نفس الوقت، Body Joy مش برنامج لخسارة الوزن أو تغيير شكل الجسم. لو هدفك الأساسي دلوقتي هو خسارة الوزن، فالبرنامج مش معمول لتحقيق الهدف ده.
لكن لو إنتِ تعبتِ من الانتظار، ومن إن حياتك وثقتك وراحتك يفضلوا متعلقين بتغيير جسمك، وعايزة تستكشفي إيه اللي ممكن يتغير في علاقتك بجسمك بدل ما تفضلي في نفس الدائرة، فـ Body Joy هيكون مناسب ليكي
ممكن تكوني فعلًا قريتي كتير عن تقبّل الجسم، أو التغذية الحدسية، أو الـbody image، وعارفة بعقلك إن جسمك مش مقياس لقيمتك. لكن المعرفة لوحدها مش بتغيّر الطريقة اللي بتحسي أو بتتصرفي بيها.
في Body Joy، مش هنكتفي بفهم الأفكار دي، لكن هنشتغل عليها ونبدأ نطبّقها في حياتك اليومية، عشان التغيير مايفضلش مجرد حاجة فاهمَاها نظريًا
كل محتوى البرنامج هيكون متاح داخل Telegram. هتلاقي الفيديوهات، و التمارين، و الـ Journal Prompts، و الأدوات، و كمان مجتمع البرنامج و الدعم بين الجلسات... كله في مكان واحد سهل ترجعيله في أي وقت.
طبعًا. كل الجلسات هتتسجل، وهتفضلي محتفظة بالـrecordings والـmaterials مدى الحياة، فلو فاتتك جلسة تقدري ترجعي لها.
المجموعة تبدأ يوم ١ نوفمبر. و بما إن البرنامج بيستقبل ٨ سيدات فقط، بننصحك تقدمي بدري عشان تضمني مكان في البرنامج.
أنا واثقة إنك هتختاري خطة الدفع اللي تناسب ظروفك، و تلتزمي بيها. علشان كده، قبل الانضمام، مهم تتأكدي إنك مرتاحة لخطة الدفع اللي هتختاريها، لأن مكانك بيكون محجوز ليكي طوال مدة البرنامج.
لكن في حالة التخلف عن سداد القسط بدون تواصل، فبيتم إيقاف الوصول لمحتوى البرنامج، و جلسات الـ Coaching، و الدعم، و يتم إعادة تفعيله بمجرد سداد القسط.
غير متاح استرداد المبلغ بعد الدفع.
لو مش متأكدة إذا Body Joy مناسب ليكي، أو عندك أي أسئلة قبل الاشتراك، تواصلي معايا على Instagram.
مهم عندي إنك تاخدي قرارك بثقة، وإن استثمارك يكون فعلًا مناسب لاحتياجاتك.
اضغطي هنا للتواصل معايا على Instagram.
تقدري تتواصلي مع فريقنا على WhatsApp من هنا.
Yasmine Mamdouh
مؤسسة The Intuitive Plate
- كوتش تغذية حدسية
- كوتش تغذية معتمدة، PN
- اخصائية تغذية معتمدة، ISSA
- هيلث كوتش معتمدة، ICF
- مدربة رياضية، NASM