اتعلمي إزاي تاخدي قرارات أكلك بسهولة، من غير ما كل وجبة تتحول لسلسلة من الأسئلة و الشكوك و الحيرة بين "الصح" و"الغلط".
عشان تعرفي تختاري اللي يناسبك، تثقي في قرارك، تستمتعي بأكلك و تكمّلي يومك… بدل ما الأكل ياخد من وقتك و طاقتك و تفكيرك أكتر من اللازم.
يمكن تكوني بطّلتي دايت من فترة، ومش عايزة ترجعي للحرمان ولا للحسابات والقواعد…
لكن قرارات الأكل لسه ممكن تكون مرهقة ومليانة تفكير.
- عارفة معلومات كتير عن التغذية، بس وقت ما تيجي تختاري أو تحضّري وجبة، بتحتاري تطبقيها إزاي.
و أحيانًا تكوني عارفة إيه الاختيار المغذي، بس مش بيكون نفسك فيه… فتلاقي نفسك مش عارفة تختاري إيه. - خروجة بسيطة مع صحابك ممكن تتحول لسلسلة من القرارات.
“آكل قبل ما أنزل ولا أستنى؟ أطلب إيه؟ أختار اللي نفسي فيه ولا حاجة أخف؟”
و بدل ما تختاري اللي يناسبك، تلاقي نفسك بتقارني و تفكري في اختيارات اللي حواليكي. أي يوم مختلف عن روتينك ممكن يلخبطك و يسببلك توتر.
سفر، فرح، أجازة، يوم طويل بره البيت… لما الأكل و الظروف اللي متعودة عليها مش موجودة، تبدأي تسألي نفسك: “طب أعمل إيه دلوقتي؟ المفروض آكل إيه؟”
- عارفة انتي عايزة إيه… بس محتارة بينه و بين اللي شايفة إنه “الصح“.
نفسك في البيتزا، بس تفكري في بدائل “أحسن”… فالقرار اللي كان ممكن ياخد دقيقة يتحول لتحليل طويل. وأحيانًا القرار بيخلص… بس التفكير فيه ما بيخلصش.
تختاري، تاكلي، و بعدين تبدأي تراجعي نفسك:
“كان المفروض أختار حاجة تانية.““يمكن أكلت أكتر من اللازم.“
و في الآخر… الموضوع أكبر من مجرد “آكل إيه؟“
كل قرار أكل بياخد منك وقت و طاقة ذهنية… طاقة كان ممكن تستخدميها في شغلك، خروجاتك، علاقاتك، و الحاجات اللي بتحبيها.
بدل ما تكوني حاضرة في حياتك، جزء من دماغك يفضل مشغول بـ:
“آكل إيه؟ وإيه الاختيار الصح؟“
تفضلي مش عارفة تختاري إيه لحد ما توصلي لجوع شديد، فيبقى القرار أصعب.. و ممكن ساعتها تاكلي بسرعة أو أكتر من اللي كنتي محتاجاه و تحسي إنك فقدتي السيطرة.. و بعدها تلومي نفسك و تبدأي الدائرة من جديد.
و مع الوقت، ممكن تلاقي نفسك بتسألي:
“ليه حاجة بسيطة زي الأكل بتبقى صعبة عليا؟“
المشكلة مش إنك مش عارفة تاكلي.
المشكلة إن قرار الأكل بقى معقد زيادة عن اللزوم.
و محتاجة طريقة أبسط تساعدك تختاري، تثقي في قرارك، و تكمّلي يومك بدل ما كل وجبة تاخد منك كل المساحة دي.
لأن الأكل مش المفروض يستنزفك.
هو جزء حلو في حياتك… و نعمة و متعة تستاهلي تستمتعي بيها، من غير ما كل وجبة تتحول لموضوع محتاج كل التفكير ده.
تخيلي لو قرار الأكل بقى أبسط…
- تصحي و تعرفي هتاكلي إيه، من غير ما تبدأي يومك في دوامة تفكير.
تاخدي قرارك و توفّري طاقتك للحاجات الأهم. - تكوني خارجة مع صحابك و تختاري من المنيو ببساطة.
تاكلي، و تكمّلي كلامك و ضحكك و استمتاعك بالخروجة. - يومك يتغير؟ عادي.
تسافري، تحضري فرح، أو تعيشي يوم مختلف عن روتينك وانتي عارفة تتعاملي مع المتاح و تختاري اللي يناسبك من غير قلق. - تفتحي التلاجة و تعملي وجبة بسيطة من غير ما تدوري على الاختيار المثالي.
تعرفي تاخدي قرارك بسهولة و تكمّلي يومك بشكل طبيعي. - تبقي عارفة إن مش لازم كل اختيار يكون “مغذي“ عشان يبقى اختيار كويس.
أحيانًا تختاري حاجة تغذي جسمك، وأحيانًا تختاري حاجة نفسك فيها لمجرد المتعة.. والاتنين ليهم مكان في نظام أكلك. - تاخدي قرارك… و تكمّلي.
من غير ما ترجعي للوجبة في دماغك و تفضلي تسألي: “يا ترى اختارت صح؟“
تخيلي أد إيه حياتك ممكن تبقى أخف لما قرار الأكل مايبقاش محتاج كل المجهود و الوقت و المساحة دي من تفكيرك.
و ده بالظبط اللي هنشتغل عليه في ماستركلاس
Stressed to Simple
مش هديكي قواعد جديدة تقولك تاكلي إيه، و لا هقولك إيه الأكل “الصح“ و إيه “الغلط“.
بالعكس، هنعيد تبسيط الطريقة اللي بتاخدي بيها قرارات الأكل، عشان تعرفي تتعاملي مع مواقف الأكل المختلفة بوضوح و مرونة، من غير الحيرة و المقارنات و التفكير الزيادة.
على مدار 3 أيام، هتتعلمي:
- إيه اللي بيصعّب قرارات أكلك من غير ما تاخدي بالك، و بيخليكي تشكي في اختياراتك و تفضلي تدوري على القرار “الصح”.
- الفرق بين القرار “الصح” و القرار “المناسب” ليكي، و إزاي تتقبلي إن ممكن يكون فيه أكتر من اختيار مناسب لنفس الموقف.
- Decision Awareness (وعي القرار): إزاي تبني طريقة تفكير تخلي قرارات أكلك أبسط و أوضح، حتى لما تكوني محتارة أو الخيارات قدامك كتير.
- The Simple Choice Method: طريقة بسيطة و مرنة تساعدك تاخدي قرارات أكلك في أي وقت و مكان، حتى لما ظروف يومك تتغير.
- إزاي تستخدمي الطريقة دي في مواقف الحياة الحقيقية.. من البيت و المطاعم و الـgrocery shopping، للسفر والعزومات والأيام اللي مش ماشية حسب خطتك.
- إزاي تراجعي قرارات أكلك من غير لوم أو حكم، و تستخدمي تجاربك كمعلومات تساعدك تخلي قراراتك الجاية أبسط، و تثقي أكتر في قدرتك على الاختيار بنفسك.
رحلتك خلال 3 أيام
Day 1: Understand
ليه قرارات الأكل بقت معقدة؟
نبدأ بفهم إيه اللي بيخلّي قرارات الأكل أصعب من اللازم، و إزاي كثرة المعلومات و القواعد و البحث عن “الاختيار الصح” ممكن تخلّيكي تشكي في قراراتك بدل ما تساعدك.
هتبدأي تلاحظي طريقة تفكيرك وقت اتخاذ القرار، وتفهمي إيه اللي بيحصل عندك تحديدًا لما تحتاري أو تحسي إن لازم تختاري صح.
Day 2: Simplify
The Simple Choice Method
هتتعلمي The Simple Choice Method، طريقة بسيطة ومرنة تساعدك تاخدي قرارات أكلك من غير ما تحتاجي كل مرة تحللي كل حاجة.
وهتتعلمي إزاي تحددي إيه الأهم بالنسبة ليكي دلوقتي، وبعدين نطبّق الطريقة على مواقف من الحياة الحقيقية: في البيت، المطاعم، الـgrocery shopping، السفر، العزومات، والأيام اللي مش بتمشي حسب خطتك.
Day 3: Reflect & Grow
قرارات أكل واثقة
اختيارك مش لازم يكون مثالي عشان يكون قرار كويس.
هتتعلمي إزاي تبصي على قرارات أكلك بعد ما الوجبة من غير لوم أو حكم، وتفرّقي بين إن النتيجة ماعجبتكيش وبين إن القرار نفسه كان في غير محله.
بدل ما تحولي كل تجربة لأزمة و دوامة من التفكير، هتتعلمي تستخدميها كمعلومة تساعدك في قرارك الجاي.
ومع تكرار التجربة، هتبدأي تبني أهم حاجة: الثقة في قدرتك على اختيار ما يناسبك والتعامل مع النتيجة.
لما تستثمري في ماستركلاس Stressed to Simple هتحصلي على:
- 3 Live Sessions (أيام 21، 22، 23 سبتمبر)
3 جلسات مباشرة، 90 دقيقة كل يوم، نشتغل فيها خطوة بخطوة على تبسيط قرارات الأكل وتحويل اللي بتتعلميه لمهارة تقدري تستخدميها في حياتك. - The Simple Choice Workbook
ملفات تمارين عملية تساعدك تطبقي اللي بتتعلميه على قرارات الأكل الحقيقية في حياتك اليومية، مش بس تفهميه نظريًا. - Food Decision Clinic (متاحة في باقة Plus)
جلسة مباشرة مخصصة للإجابة على اسئلتك و التركيز على المواقف اللي لسه بتحتاري فيها، ممكن تحصلي فيها على coaching على قرارات أكل حقيقية من حياتك. - Choose & Move On Guided Audio (متاحة في باقة Plus)
تأمل صوتي قصير ترجعيله لما تلاقي نفسك لسه بتفكري في قرار أكل بعد الوجبة، يساعدك تقفلي القرار وتوجهي انتباهك لباقي يومك. - Session Recordings (متاحة في باقة Plus)
تسجيلات الجلسات تفضلي ترجعي لها وقت ما تحتاجي، وتستخدميها كمرجع كل ما تقابلك مواقف جديدة.
هل Stressed to Simple مناسب ليكي؟
الماستركلاس ده ليكي لو…
✔️ بطّلتي الدايت، لكن قرارات أكلك لسه بتاخد مساحة كبيرة من دماغك.
✔️ عندك معلومات كتير عن التغذية، لكن وقت التطبيق بتلاقي نفسك محتارة ومش عارفة تختاري إيه.
✔️ بتفضلي تدوري على “الاختيار الصح”، و تحتاري بين اللي نفسك فيه واللي شايفة إنه الأفضل أو الأصح.
✔️ بتلاقي قرارات الأكل أصعب لما روتينك يتغير، أو تكوني بره البيت، أو قدامك اختيارات كتير.
✔️ نفسك تاكلي و تكمّلي يومك، من غير ما كل وجبة تتحول لموضوع محتاج كل التفكير والتحليل ده.
✔️ عايزة تثقي أكتر في قدرتك على اتخاذ قرارات أكلك بنفسك، بدل ما تفضلي محتاجة قاعدة أو معلومة أو حد يقولك تاكلي إيه.
الماستركلاس مش الاختيار المناسب ليكي لو…
✖️ هدفك الأساسي حاليًا هو اتباع نظام غذائي محدد أو حساب السعرات.
✖️ بتدوري على meal plan أو قائمة أكل تقولك تاكلي إيه وامتى، أو قواعد تحددلك الأكل “المسموح” و“الممنوع”.
✖️ كل تركيزك على تغيير أكلك، من غير ما تكوني مهتمة بتغيير طريقة تفكيرك واتخاذك لقرارات الأكل.
✖️ مشكلتك الأساسية مش في قرارات الأكل، وبتدوري على نوع مختلف من الدعم.
اختاري تجربتك
Live Experience
لو عايزة تتعلمي The Simple Choice Method معايا مباشرة، وتبدأي تاخدي قرارات أكلك بطريقة أبسط وأكثر مرونة.
الباقة تشمل:
- 3 Live Sessions (أيام 28، 29، 30 سبتمبر)
- The Simple Choice Workbook
- تطبيقات وتمارين عملية خلال الجلسات
الاستثمار: 555 جنيه مصري (~11 دولار)
Plus Experience
لو عايزة مساحة أكبر للتطبيق و الدعم، مش بس تتعلمي الطريقة لكن تراجعيها و تستخدميها على مواقفك الحقيقية.
الباقة تشمل كل ما في LIVE، بالإضافة إلى:
Food Decision Clinic (يوم 3 أكتوبر)
جلسة مباشرة للإجابة على أسئلتك و نشتغل فيها على قرارات أكل حقيقية من حياتك ونطبّق عليها الطريقة سوا.
Choose & Move On Guided Audio
تأمل صوتي مسجل ترجعيله لما تلاقي نفسك لسه بتفكري في قرار الأكل بعد الوجبة، يساعدك تقفلي القرار وتكمّلي يومك.
Session Recordings
تسجيلات الجلسات تقدري ترجعيلها وقت ما تحتاجي و تراجعي الطريقة على مواقف جديدة.
الاستثمار: 1,555 جنيه مصري (~30 دولار)
طرق الدفع المتاحة
Meet your Coach
hello, gorgeous
أنا ياسمين ممدوح
لما وقفت دايت بعد ١٦ سنة من المحاولة، اكتشفت حاجة ماكنتش واخدة بالي منها قبل كده:
أنا عمري ما حسّيت إن الأكل حاجة بسيطة أو سهلة.
كنت بشوف ناس في دايرتي بياكلوا بشكل طبيعي، يختاروا اللي عايزينه، ويكمّلوا يومهم… لكن بالنسبة لي، كل قرار أكل كان ممكن يتحول لضغط، ومقارنة، وتفكير كتير في إذا كنت باختار “صح” ولا “غلط”.
والأغرب إن دراستي للتغذية وحبي للقراءة والمعرفة ماخلّوش الموضوع أسهل.
بالعكس، كل معلومة جديدة كانت بتضيف حاجة جديدة أفكر فيها قبل ما أقرر:
هل ده أفضل؟ هل ده صحي أكتر؟ هل المفروض أختار حاجة تانية؟
لحد ما اتعلمت التغذية الحدسية (Intuitive Eating) وبدأت أبني علاقة مختلفة مع الأكل وجسمي.
وقتها بدأت أكتشف إن الأكل ممكن فعلًا يبقى أبسط… وأمتع.
وإن معرفة أكتر مش بالضرورة معناها قرارات أحسن.
أحيانًا، اللي بنحتاجه مش معلومات أكتر… لكن طريقة أبسط نستخدم بيها المعلومات اللي عندنا.
ومع الوقت، ومن خلال تجاربي الشخصية وسنين من الشغل مع الـclients، طوّرت طريقة بتجمع بين التغذية، والمتعة، واحتياجات الحياة الحقيقية.. من غير ما قرار الأكل يحتاج كل الوقت والتفكير ده.
وده بالضبط اللي هشاركك بيه في Stressed to Simple.
مش هقولك تاكلي إيه، ومش هديكي قواعد جديدة.
هساعدك تعرفي إزاي تاخدي قرارات أكلك بطريقة أبسط، وتستخدمي اللي تعرفيه من غير ما يسيطر على كل قرار… وتثقي أكتر في قدرتك على الاختيار.
لأن في النهاية، الأكل مش المفروض يبقى اختبار نجاح أو سقوط.
هو جزء ممتع من حياتك… ويستاهل يبقى أبسط من كده.
✨ أكتر من ١٠٠٠ ست استرجعوا حريتهم مع الأكل، و رجعوا يستمتعوا بجسمهم، و حياتهم... و انتي كمان تقدري تعملي ده. ✨
الأسئلة المتكررة (FAQ)
أيوه. الماستركلاس مناسب ليكي لو مش عايزة ترجعي للدايت، لكن لسه قرارات الأكل بتاخد منك تفكير ومجهود أكتر مما تحبي.
لأ. مش محتاجة تكوني عارفة أو بتطبقي التغذية الحدسية. هنبدأ من المكان اللي إنتي فيه ونتعلم طريقة أبسط لاتخاذ قرارات الأكل.
مش بالمعنى التقليدي. مش هنعمل meal plans أو نحسب سعرات أو نحددلك إيه “الصح” و“الغلط”. هنستخدم بعض مبادئ التغذية كجزء من طريقة اتخاذ القرار، لكن التركيز الأساسي هيكون على إزاي تاخدي القرار بنفسك.
الماستركلاس أونلاين على Zoom، أيام 28، 29، 30 سبتمبر، الساعة 7:30 مساءً بتوقيت القاهرة.
لو مشتركة في باقة PLUS، هتكون تسجيلات الجلسات متاحة ليكي، وتقدري ترجعي لها في أي وقت — سواء فاتتك جلسة أو حبيتي تراجعي المحتوى وتطبقيه على مواقف جديدة.
LIVE مناسبة لو عايزة تتعلمي الطريقة وتطبقيها معايا خلال الـ3 جلسات.
PLUS بتضيف تسجيلات الجلسات، Choose & Move On Guided Audio، وجلسة Food Decision Clinic الجماعية لمزيد من التطبيق والدعم.
جلسة جماعية إضافية نطبّق فيها The Simple Choice Method على مواقف وقرارات أكل حقيقية من الحياة اليومية، ونفكك سوا إزاي نتعامل معاها بطريقة أبسط. تقدري كمان تبعتي موقف أو سؤال قبل الجلسة، وهختار مجموعة من الحالات نشتغل عليها سوا.
ممكن يكون بداية مفيدة لو جزء من الصعوبة مرتبط بقرارات الأكل. لكن لو محتاجة شغل أعمق على علاقتك بالأكل، جسمك، والثقة في نفسك، فده نطاق أوسع من هدف الماستركلاس.
في الحالة دي، Confidently Nourished هي الاختيار الأنسب ليكي، لأنها بتقدملك دعم أعمق لبناء علاقة أكثر ثقة وراحة ومرونة مع الأكل وجسمك.
اعرفي تفاصيل أكتر من هنا.
غير متاح استرداد المبلغ بعد الدفع.
لو مش متأكدة إذا Stressed to Simple مناسب ليكي، أو عندك أي أسئلة قبل الاشتراك، تواصلي معايا على Instagram.
مهم عندي إنك تاخدي قرارك بثقة، وإن استثمارك يكون فعلًا مناسب لاحتياجاتك.
اضغطي هنا للتواصل معايا على Instagram.
و انتي بتقرري، افتكري أن..
الأكل مش المفروض يكون بالصعوبة دي!
مش لازم كل وجبة تبقى قرار محتاج تحليل، ولا تفضلي تدوري على الاختيار المثالي.
ومش مضطرة تختاري بين الأكل اللي يغذي جسمك و بين الاستمتاع و الراحة.
ممكن تتعلمي تاخدي قرار مناسب ليكي، حتى لما يومك يتغير، أو تكوني بره البيت، أو قدامك اختيارات كتير.
تخيلي المساحة اللي هترجعلك لما الأكل يبقى مجرد جزء من يومك… مش حاجة تفضل شغالة في دماغك طول اليوم.
أكل. قرار. استمتاع. و نكمّل حياتنا.
وده بالضبط اللي هنتعلمه سوا في Stressed to Simple.
لو مستعدة تخلي قرارات أكلك أبسط، مستنياكي في الماستركلاس. 💛
Yasmine Mamdouh
مؤسسة The Intuitive Plate
- كوتش تغذية حدسية
- كوتش تغذية معتمدة، PN
- اخصائية تغذية معتمدة، ISSA
- هيلث كوتش معتمدة، ICF
- مدربة رياضية، NASM